Theaternachmittag mit der Lahauser Bühne

Leeve Frünnen von de Lahauser Bühne! Nu is dat wedder so wiet, de Speeltied 2012 schall bold losgahn. Wi hebbt düttmal för  jo de Komödi: “ Mien Mann, de fohrt to See “ von Wilfried Wroost utsocht. Dat Stück speelt um 1950 in Hamburg. Karl Brammer weer fröher Smutje op een Ship. As he denn an Land bleev, hett he eene Knackwustbood op de Reeperbohn openmaakt. Vör 3 Johr`n hett he siene Verköperin Mary heirat un de hett denn dorför sorgt, dat se nu een goot Lokal hebbt. Man Karl hett nebenbi so`n poor Zigaretten smuggelt, um so`n beeten flinker vun de Schulden aftokamen. Nu schall he för 3 Maand na “ Santa Fu “ un Tuten kleben. Dorvun dröfft natürlich siene puckelige Verwandtschop un siene Gäste nix weeten.Dorum vertellt Mary, dat eer Mann wedder to See fohrt. Nu geiht aber dat Ship, op dat Karl angeblich anhüürt hett, mit Mann un Muus unner. De Laag ward jetzt bannig striebelig. Wi Mary sik ut de ganze Saak rutmengelert, wenn Karl mit`n Mal wedder upduken deit, köönt ji blots gewahr weern, wenn ji jo dat Stück sülven ankieken doot. Dorto wünscht wi veel Vergnöögen!

Joe Lahauser Bühne

Sonntag 5.2.12 und Mittwoch 8.2.12 je 16:00 Uhr mit Kaffee und Kuchen für 15,00 €